SÜDVOGTLÄNDISCH

Peter Leonhardt, Bad Elster

1943 in Markneukirchen geboren. Der gelernte Schriftsetzer lebt seit 1969 in Bad Elster. Von 1989 - 2005 Bibliotheks-Assistent und später Leiter der wissenschaftlichen Bibliothek des dortigen Forschungsinstitutes für Balneologie (deshalb schon berufsbedingt Verbindung zu Wort und Schrift). Seit 1969 Beiträge im "Kulturboten für den Musikwinkel". Ab 1974 erste Versuche in Mundart-Schreibweise. Gründungsmitglied der Redaktion des "Neikirnger Heimatboten". Wöchentliche Kolumne "Schwarzbachwellen" in der "Markneukirchner Zeitung" (Veröffentlichungen in südvogtländischer Mundart). Seit 1998 Auftritte als Mundartsprecher/-solist, meist aber mit der Trachtengruppe des Heimatvereines Markneukirchen.


Saudumms Gelatsch

Aans möiß i Enk etze fei wirklich mal soong:
Döi englischen Wörtle, döi lieg'n ma in Moong!
Es kennt ja bal kaaner di eigene Sprouch -
Naa, aber dös Englisch, dös latscht jeder nouch!

Sitzt' näa oa'n Computer, na siah iechs ja ei -
Dou kimmst oa den Englisch ja goa niat vabei !
Aber sinst? Sua möiß i Di etze mal fräing,
u hoff, auf mei Froug aah e Antwort ze kräing:

Wöi sua saggst aah Du statt "Jawoll!" näa nuch "Yes!"
U warum houst eingtlich ne ganzen Toog "Streß?"
Als Bröif schraibbst e "E-Mail" u machst nuch en "Chat",
Statt Bockwuascht frißt' "Hot Dogs"- no, leck mi duch fett!

Sein' englischen Name hout heit jeder Quatsch
U mancher is stolz drauf auf sei dumm's Gelatsch!
U siaht er's aah niat ei - duch Englisch wird g'redt:
Va "After" bis "Zero" - va A bis zen Z!

"Okay" saggt ma etze statt "Is ja scho gout!"
E "Base Cap", döi träiggt ma oa Stell' va ren Hout,
Zer Foahrkarten-Ausgab' möißt "Ticket-Shop" soong
U "Fast Food" ze Mittoog? - dou dreht si mei Moong!

E "Barbecue", dös is e Grillfest mit Fleisch
- Dou hatt' ma scho fröiher dabaa unnre Raisch'!
Dou gab's halt näa Würschtle u nuch kaane "Steak",
Duch heit, dou möißt "in" saa, sinst bist näa e Dreeck!

Di "Kids" senn di Kinner, e "Car" is e Woong,
Näa "Thank you!" (aah englisch!) koa kaaner mehr soong!
E jeder is "online" u red't näa van "Net"
U va seiner "Web"-Seit' - ach leckt mi duch fett!

"Internet-Surfen" is ne Gungen ihr Sport,
Auf'n "Game-Boy" wird rimg'spielt heit oa jeden Ort;
U göihst auf'n Abtritt, brachst es "Handy" dazou -
U dös söll normal saa? - Na, lasst ma mei Rouh!

Ban Radio-Höiern, dou kräig' i mein Zorn:
Näa englische Titel, va hinten u vorn!
Ob "Bayern", ob "Hessen" u aah "MDR" -
Va fröih bis di Naacht nei näa englisch's Geplärr!

U schaust genger Ahmd mal in Fernseher nei,
Na' hullt Di dös Englisch aah glei wieder ei:
Statt Nachrichten gitts dou fei näa nuch di "News"
U g'soffen wird heit statt en' Böia e "Juice"!

U kinnt nuch e "Sex"-Film, wird's meistens reecht spät.
Dou frisst nachat "Cracker" u naschst "After eight",
Vielleicht "Coca Cola" dazou geng ne Duascht -
Ach, mach duch, woos Du wist, mir is dös duch Wuascht!

Kaa annersch Volk, dös äfft dös Englisch sua nouch -
Mir Deitschen vahunzen di eigene Sprouch!
Duch iech mach dou niat miet - iech soog dou ganz forsch:
"Red' Du näa Dei Englisch, duch miech leckst am Oarsch!"